إذا دخلت الثانويه صدعوها بـ( كم نسبتك)
و يبدى مشوار اللقافه عند الأمهات !
و عقبها .. تدخل الجامعه ويبتدى موال متى بتخرجين وليش ماتخرجتي !!
و طبعا عقبها يشتغلون عليها !!
ماعرستي / !!
محد خطبك / !!
لين تحس أنها طولت و تكره حياتها :'(
و إذا لا سمح الله عرست
أول سؤال : منو سعيد الحظ >:/ << اووم اللقـآآفه
( طبعآ يبون يعرفون ولد مين =D )
و أول ما تعرس .. يجونك ثاني يوم
(ها حلو الزواج <3<3 ) يا وقاحة السؤال
و يعطونك مهله شهرين مو أكثر
و يبتدي بموال ( مافي شيء بالطريق ؟ )
لين تحسين انك عقيم و فيك مليون عله :&
و إذا حملتي يعطونك فرصه 4 شهور
و يسألونك ( بنت ولا ولد ولا ماتبين تقولين =D )
و إذا يستحون يسألونك أول مايشوفون بطنك
بيقولون ( شكله مبين ان فيك بنت )
علشان تقولين لا =D و يصيدونك انه ولد =))/
و آخر الحمل يسألونك
( وين بتولدين أي مستشفى خاص والا حكومي )
وكل واحد بيطلعون فيه عله
وعقب ماتولدين بيزورونك
وياويلك لو مب مجهزه الغرفه ومعدلتها
بتكونين حديث الساعه
وبعد مايسلمون عليك طبعا لازم تشرحين لكل وحده إيش صار بالتفصيل :&
مسجل ينعاد وبعد ماتشرحين عن تفاصيل
معاناتك يطلبون البيبي
ويفرونه يمين ويسار مع أقوى زوم
( ويطلعون لك الأخطاء السبعه
وفي النهايه بيقولون لك
لا لامايشبهك يشبه أبوه >:/ )
وإلا طالع جميل على أبوه #:-s
وإذا من طرف أهل زوجك
من دون مايشوفونه يشبه ولدهم =D
وبعدها ب شهر هاا ترضعينه طبيعي
ولا علب 8-|
إذا طبيعي سلمتي من لسانهم #:-s
وإذا علب لازم تسمعين كلمة :
حرام عليك :O
ليييييش :O
وبعد سنه ينعاااد موال ماتبين تجيبين لفلان أخوووو !
وإذا جبتي الأخو بيقولون لك
(مب كأنكم استعجلتو ؟
لآلا الشقه ضاقت عليكم
لازم تبنون لكم بيت >:/ )
- ليش مآبنيتو للحين !!
وأنتي للحين مع أهل زوجك ! :O
هذا نموذج بسيط من معاناة البنات
وتستمر المعآنآة
